Strada Stretta Concept, taħt l-awspiċju tal-Fondazzjoni Valletta 2018, ser tippreżenta ‘Li Bqajna’ bid-direzzjoni artistika ta’ Giuseppe Schembri Bonaci.

Ser jittellgħu żewġ serata fi Splenid ta’ Strada Stretta.

19.00

20.30

‘Li Bqajna’ hija rappreżentazzjoni riflessiva tas-sensiela televiżiva Amerikana ‘The Leftovers’ (2014) li tittratta l-għejbien ta’ 2% tal-popolazzjoni dinjija. L-ispettaklu televiżiv jiffoka fuq verżjoni fittizja ta’ belt f’New York u fuq il-ħajja u l-interazzjoni bejn il-membri tal-komunità tagħha.

Din ir-rappreżentazzjoni tagħmel parti minn qafas kunċettwali li jittratta t-taħbit ta’ kuljum li wrietna s-serje televiżiva oriġinali u r-riflessjoni personali dwar it-trawma psikoloġika li dak li jkun jgħaddi minnha meta persuni għażież jisparixxu ħabta u sabta bla raġuni. Dawn in-nies (il-leftovers), li jkunu konnessi bl-istess ġrajja traġika, jibqgħu b’bosta mistoqsijiet bla tweġiba. Għaldaqstant ikollhom isibu mod għalihom biex jgħixu u l-bilanċ it-tajjeb f’din id-dinja żbilanċjata milquta minn spjegi xejn sodisfaċenti, vojt profond, bidla kontinwa, għaġġla, inċertezza u ħtiġijiet umani.

‘Li Bqajna’ tinkludi żfin, mużika oriġinali minn Mariella Cassar Cordina u narrazzjoni u xogħol awdjo-viżiv mill-artist Carmen Aquilina.

Kompożitriċi: Mariella Cassar Cordina

Awtur: John Bonello

Kantanti: The New Victorians

Stallazzjoni Viżiva/Materjal Viżiv: Carmen Aquilina

Disinn tal-Ħoss: Alistair Attard

Kummentarju: Claire Scicluna

Riflessjoni: Maria Theuma

Żeffiena/Koreografija: Eleonora Fae

Editur Vi: Andrew Aquilina

Cast: Lyanne Sawyer and Eman Scorfna Pluto

 

Ħajr speċjali lil:

Splendid

Jason Masini

Heritage Malta

Version 2

 

Dħul B’XEJN