Latitude 36 jinvolvi individwi u gruppi komunitarji Maltin mid-dinja kollha billi jiġbor stejjer u jiskopri narrattivi personali u kollettivi. Bl-għajnuna tal-komunitajiet tal-immigranti Maltin, Latitude 36 ipoġġi l-esperjenza tal-migrazzjoni fil-qalba tal-attenzjoni tiegħu billi jidentifika u jistħarreġ ix-xejriet u n-narrattivi tal-immigranti permezz tal-arti viżiva.

Minn perspettiva li tkopri l-era ta’ wara l-Ewwel Gwerra Dinjija, l-epoka post-kolonjali u s-sħubija ta’ Malta fl-UE, il-proġett jesplora l-immigrazzjoni Maltija u jagħti stampa tal-esperjenza migratorja ta’ din il-minoranza. Dan il-proġett ilu jdur madwar id-dinja sa mill-2016, u jinkludi bosta komunitajiet tat-tieni u t-tielet ġenerazzjoni fir-Renju Unit u l-Istati Uniti, u se jkompli jiġbor materjal permezz tad-diversi kuntatti mal-Ambaxxati u Kummissjonijiet Għolja.

Għal aktar informazzjoni dwar attivitajiet ta’ Latitude 36, segwi din il-ħolqa.

Ritratt: Ali Tollervey