It-Teatru Aurora fir-Rabat, Għawdex, huwa spazju għall-prestazzjonijiet eċċezzjonali ġewwa villa tas-seklu dsatax maestuża. Iddisinjat mill-arkitett Louis Naudi, u mżejjen b’mod eleganti mill-artist lokali meqjum il-Kav. Emvin Cremona, it-Teatru Aurora kien post ewlieni għal opri milqugħa tajjeb mill-kritiċi mill-inawgurazzjoni tiegħu fl-1976. Minn dak iż-żmien il-post ospita għadd ta’ prestazzjonijiet eċċellenti, inklużi Carmen ta’ Georges Bizet u Madame Butterfly ta’ Giacomo Puccini.

L-udjenzi issa jistgħu jistennew bil-ħerqa l-klassika li ma tmut qatt ta’ Giacomo Puccini Tosca, li titkellem fuq trijangolu ta’ mħabba perikoluż bejn il-kantanta tal-opra attraenti Floria Tosca, il-pittur immexxi mill-imħabba Mario Cavaradossi, u wieħed mill-villani l-aktar memorabbli tal-opra – il-kap tal-pulizija Baron Scarpia. Melodrama u arji liriċi huma abbundanti f’dan il-kapolavur dejjiemi. Din il-produzzjoni se tittella’ fit-13 ta’ Ottubru 2018 fit-Teatru Aurora, Għawdex.