Il-grupp Awstrijak tal-arti u tal-kultura Time’s Up jinvolvi lill-pubbliku f’esperjenzi divertenti maħsuba biex jesploraw futuri alternattivi u preferibbli.
Matul id-durata tagħhom fil-Gżejjer Maltin, dan it-tim radikali għaqqad flimkien futuristi magħrufa internazzjonalment, esperti lokali u ċittadini ordinarji permezz ta’ workshops komuni; matul dawn il-laqgħat kreattivi l-parteċipanti qasmu flimkien xenarji, ħolm u tħassib li jesploraw viżjonijiet diversi tal-futur lokali. Is-sena 2018 tara l-ideat tan-nies jieħdu l-ħajja permezz tal-esibizzjoni speċifika tas-sit Cabinet of Futures. Din l-esibizzjoni immersiva toħloq atmosfera ‘protoxjentifika’ tal-laboratorju, u tistieden lill-individwi lokali u lill-komunitajiet biex iżidu x-xeħta personali tagħhom.
Bi skambju kreattiv kostanti minn kull aspett tal-ħajja, il-futuri ipotetiċi ppreżentati jsiru siti li jevolvu kontinwament f’dinjiet aktar rikki u aktar tanġibbli.Cabinet of Futures huwa appoġġjat mid-Diviżjoni tal-Arti u l-Kultura tal-Kanċellerija Federali tal-Awstrija, Kultur, OOE Kultur, LINZ AG u Ecoduna.
L-esibizzjoni se tittella’ bejn l-24 ta’ Awwissu u l-24 ta’ Novembru 2018. Ħinijiet tal-ftuħ: kuljum mit-Tlieta sal-Ħadd, bejn l-4 u t-8 ta’ wara nofsinhar.
Tagħmir tas-sikurezza min-nar għal din l-attività sponsorjat mill-Alberta.