Mewġa Mużika huwa xogħol mużikali interattiv ikkurat mill-grupp Portugiż ondamarela.
Bl-għeruq tiegħu fil-kooperazzjoni u kollaborazzjoni l-programm huwa miftuħ għal persuni ta’ kull età u sfondi mużikali. Dan jipproponi l-ħolqien ta’ prestazzjoni mużikali pubblika li tibni pontijiet permezz tal-mużika. Komunitajiet varji jieħdu sehem f’workshops intensivi mal- maestro Tim Steiner sabiex joħolqu orkestra tal-komunità kbira.
Ir-riżultat huwa kunċert uniku u irreplikabbli li jirrifletti l-memorji, il-perċezzjoni tad-dinja u l-kultura diversi tal-komunitajiet involuti. Mewġa Mużika jsaħħaħ l-idea li ċ-ċittadini kollha jista’ jkollhom impatt kbir fuq inizjattivi artistiċi b’mod strutturat, rigoruż u spontanju, filwaqt li joħloq ukoll pjattaforma għal mużiċisti lokali mill-ġeneri u esperjenzi tal-ħajja kollha.
Il-kunċert finali, li se jittella’ nhar il-Ħadd 9 ta’ Settembru, u li se jara l-parteċipazzjoni ta’ aktar minn 300 mużiċist, se jittella fil-Foss tal-Imdina u jibda fis-7pm. Madankollu, aqbeż qabża sal-Imdina minn kmieni, il-ġurnata kollha twiegħed li tkun ġurnata fantastika għall-familja kollha!
Skeda:
Il-ġurnata kollha:
- Attività ta’ siġra tal-kultura mill-Programm Tal-Kultura
- Rokna freestyle – Ejja pprova strument
- Interventi mużikali differenti mingħand ondamarela
10.00 – 11.00
- Sessjoni ċaqliq mal-mużika
11.00 – 12.00
- Workshop tar-Ritmu u l-Perkussjoni
- Greenhouse Malta – L-importanza tal-ħoss fil-komunikazzjoni fin-natura
12.00 – 13.00
- Solar Cinema – Workshop tal-Istop motion
13.00 – 14.00
- Workshop tal-Perkussjoni bil-Ġisem
14.00 – 16.00
- Oħloq Kultura – Mużika tal-kulturi vvintata (għat-tfal)
16.00 – 18.00
- Shake it! – Logħob tat-Triq u Movimenti Popolari
19.00 – 21.30
- Rappreżentazzjoni finali b’aktar minn 300 mużiċist
Għal aktar informazzjoni, żur il-Paġna ta’ Facebook ta’ Mewġa Mużika.