Il-Fondazzjoni Valletta 2018 Foundation tixtieq tistieden fornituri u persuni li jipprovdu servizz biex jissottomettu Espressjoni ta’ Interess biex jiġu miżjuda mal-lista ta’ fornituri tas-servizz esterni tas-sostennibbiltà tal-Fondazzjoni.
Dawn il-provvisti u s-servizzi se jippermettu lill-produtturi u l-kollaboraturi tal-avvenimenti biex jimplimentaw il-Politika Sostenibbli tal-Avvenimenti tal-Valletta 2018 il-ġdida b’faċilità u b’appoġġ.
Dawn il-fornituri u persuni li jipprovdu servizz se jaħdmu flimkien mal-produtturi tal-avvenimenti u l-Fondazzjoni Valletta 2018 f’allinjament mal-politika skont l-ambitu u l-miri tal-proġett, fil-ħin, filwaqt li jżommu mal-baġit u skont ir-regoli u r-regolamenti li jirregolaw il-Fondazzjoni.
Din l-Espressjoni ta’ Interess għandha tinkludi dettall tas-servizzi u/jew provvisti offruti u l-ispejjeż individwali tagħhom għal kull oġġett. Produtturi tal-avvenimenti mbagħad se jirċievu dawn l-għażliet permezz tad-database u jieħdu ħsieb l-impenji fuq bażi individwali. Servizzi u provvisti offruti jistgħu jiġu verifikati fi kwalunkwe ħin, u jiġu kklassifikati dwar il-provenjenza u l-awtentiċità sostenibbli. Il-fornituri u l-persuni li jipprovdu servizz kollha għandhom ikunu reġistrati mad-dipartiment tal-VAT.
L-Espressjoni ta’ Interess għandha tintbagħat permezz ta’ email fuq [email protected] sas-26 ta’ Ġunju 2017. Jistgħu jiġu mibgħuta kjarifiki permezz ta’ email fuq l-istess indirizz tal-email sal-20 ta’ Ġunju 2017.
Provvisti meħtieġa:
Riżorsi għall-ġestjoni tal-‘Iskart’
bins ta’ 120 litru
bins ta’ 240 litru
bins ta’ 1100 litru
skip ta’ 6 jarda
skip ta’ 10 jarda
skip ta’ 16-il jarda
Boroż suwed bijodegradabbli jew tal-istandard tal-kunsill
Boroż tar-riċiklaġġ bijodegradabbli jew tal-istandard tal-kunsill
Boroż trasparenti bijodegradabbli ta’ 120 litru
Boroż trasparenti bijodegradabbli ta’ 80 litru
Boroż kompostabbli ta’ 120 litru
Stikek li jiġbru ż-żibel (Litter pickers)
Ingwanti kompostabbli
Ilma
Sistemi Grey water
Sistemi ta’ fuq is-sit tar-reverse osmosis
Filters tax-xorb tal-ilma tal-vit
Distributuri tal-ilma u tankijiet ta’ 19-il litru
Ikel u Xorb
Fajjenza u pożati għall-kiri
Stazzjonijiet tal-ħasil għall-kiri (biex jinħaslu t-tazzi jew il-fajjenza u l-pożati li jistgħu jerġgħu jintużaw)
Kontenituri tal-ikel kompostabbli
Kontenituri tal-ikel tal-karti
Platti tal-karti
Tazzi kompostabbli
Tazzi tal-karti
Tazzi li jistgħu jerġgħu jintużaw
Fliexken tal-ilma li jistgħu jerġgħu jintużaw
Kontenituri tax-xorb li jistgħu jerġgħu jintużaw
Pożati kompostabbli
Pożati tal-injam
Srievet
Prodotti oħra meħtieġa
Taħlita tat-tojlits ibbażata fuq l-enżimi ekoloġika (biex tintuża fit-tojlits portabbli blu)
Prodotti tat-tindif bijoloġiċi
Klips tal-kejbils li jistgħu jerġgħu jintużaw
Tekniku
Dawl LED
Skrins u strutturi LED
Ġeneraturi tal-bijokarburanti
Sistemi tal-enerġija solari
PA tal-enerġija solari
Dawl tal-enerġija solari
Servizzi meħtieġa:
Fornituri tal-ikel organiku
Fornituri tal-ikel ħieles mill-pestiċidi
Fornituri tal-ikel lokali
Tojlits tal-kompost
Tojlits bijoloġiċi
Persuni li jnaddfu t-tojlits
Persuni li jnaddfu l-postijiet fejn isiru l-avvenimenti
Persuni li jbattlu l-bins matul l-avvenimenti
Bennejja u mastrudaxxi b’esperjenza fil-materjali li jistgħu jerġgħu jintużaw
Għażliet tat-trasport ekoloġiċi
Servizzi tal-ġestjoni tal-iskart:
Ġbir tal-bins
Ġbir tal-iskips
*jekk jogħġbok semmi fejn se tkun qed tieħu kull wieħed minn dawn l-oġġetti
Ħġieġ
Plastik
Metall
Kompost
Skart ieħor
Kundizzjonijiet
L-ispejjeż kollha tal-kunsinna jew tal-ordni jew il-limitazzjonijiet għandhom jiġu ppreżentati fl-espressjoni.
Ambitu
L-ambitu ta’ din is-sejħa huwa biex il-fornituri u persuni li jipprovdu servizz jiġu miżjuda ma’ lista ta’ fornituri tas-servizz tal-Fondazzjoni. Li tiġi miżjud mal-lista ma jiggarantix l-ingaġġ tal-fornitur jew persuna li tipprovdi servizz mill-Fondazzjoni. Fornituri jew persuni li jipprovdu servizz se jiġu mitluba li jipprovdu kwotazzjonijiet u sussegwentement jiġu ingaġġati skont kif meħtieġ mill-Fundazzjoni. Din is-sejħa bl-ebda mod ma tissuġġerixxi jew tiggarantixxi li l-Fondazzjoni hija marbuta li tingaġġa fornitur jew persuna li tipprovdi servizz.
Espressjoni ta’ Interess
Meta tiġi sottomessa espressjoni ta’ interess, l-applikazzjoni għandha tipprovdi:
- Dettalji tal-kuntatt
- Deskrizzjoni tal-kumpanija
- Portafoll ta’ provvisti jew servizzi
- Dikjarazzjoni ta’ informazzjoni kif xieraq rigward l-etos tal-kumpanija, il-provenjenza sostenibbli, il-materjali użati, statistiċi tal-impatt jew krediti tal-karbonju użati jekk dan jibbenefika l-applikazzjoni tiegħek
- Lista ta’ servizzi u provvisti dettaljati bl-ispejjeż
- Dikjarazzjoni tal-impenji/disponibblità/ammonti attwali disponibbli